Швецкая акадэмія напрыканцы верасня замяніла афіцыйную назву беларускага народа – пасля зваротаў грамадскасці краіны і ініцыятыўнай групы "За Belarus" прыняла рашэнне замяніць афіцыйную швецкую назву беларускага народа з vitryssar на belarusier. Адпаведнае рашэнне прынята на паседжанні акадэміі 25 верасня.

Як паведаміў БелаПАН швецкі пісьменнік беларускага паходжання Зміцер Плакс, Акадэмічны слоўнік швецкай мовы, які складаецца і выдаецца акадэміяй, не ўтрымоўвае афіцыйных геаграфічных назваў, але ўтрымоўвае назвы народаў. Плакс тлумачыць: слоўнік акадэміі - эталон словаўжывання, і паколькі новая назва беларуса – belarusier – паходзіць з назвы краіны – Belarus, павінна быць прынята рашэнне пра змену афіцыйнай назвы ўласна самой краіны.

На 1 кастрычніка прызначана паседжанне так званай моўнай групы, у якую ўваходзяць прадстаўнікі шэрагу арганізацый, у тым ліку Швецкай акадэміі і Швецкай дзяржаўнай моўнай рады. Яны разгледзяць пытанне афіцыйнай змены геаграфічнай назвы Беларусі на швецкай мове. Як Resurs.by паведамляў раней (Вбив би гадів! Або дасталі Белай Расіяй! Русь мы, Русь!), беларусы, якія пражываюць у Швецыі, некалькі гадоў дамагаліся змены афіцыйнай швецкай назвы Беларусі.

У іх звароце адзначалася, што цяперашняя назва Беларусі - Vitryssland - даслоўна перакладаецца як "Белая Расія". Гэта, па іх меркаванні, зневажае суверэнітэт Беларусі "пасродкам неабгрунтаванай спасылкі на Расію". Акрамя той, з-за такой назвы шведы ўвесь час блытаюць беларусаў з расейцамі ("рускімі"). Актывістыя кампаніі зважаюць на тое, што ўпершыню пытанне пра змену афіцыйнай назвы Беларусі з Vitryssland на Belarus паднімаўся швецкім дэпутатам Урбаном Аліном у 1996 годзе. Швецкі моўны камітэт тады не падтрымаў гэту прапанову, палічыўшы яе неабгрунтаваным.